MASYITOH ABAD 21 KU DEDE SUKMADI DUKAT

ADEGAN 1

MEMEH LAYAR DIBUKA, PANGGUNG GEUS EAR KU SURAK JEUNG RUPANING TATABEUHAN, JIGA JAMAN BAHEULA MUN SAMAGAHA SORA KOHKOL DITITIRKEUN, KETEL NYIRU JEUNG SAJABANA

BARANG LAYAR BUKA/ LAMPU PANGGUNG CAANG KASAMPAK DUA PANGAWAL SAMAGRENG SANJATA, RUPANING BEDIL, GARANAT, BAYONET JEUNG SAJABANA. BEUNGEUTNA KERENG PIKASIEUNEUN, BARI OGE PIKASEURIEUN, TATABEUHAN NGADADAK EUREUN.

PANGAWAL

(Ka nu lalajo)

Kanjeng raja Firaun bade sumping, kade omat ulah aya talanjak nu nguciwakeun. Rakyat kere ulah sina liar. Tukang dagang di sisi jalan kudu dibubarkeun saheulaanan. Jalan kudu leucir. Kabeh rakyat kudu someah, ulah aya nu bangkenu. Tisuklakna-kasiklukna, kabeh jalma kudu katempo imut, atawa nyerengeh seuri bungah. ngarti???!!!

PANGAWAL RAJA MALIK NYANGHAREUP KA KENCA, TI KENCA DATANG ROMBONGAN RAJA FIRAUN.

ADEGAN 2

FIRAUN DITANDU DINA KORSI KU PRAJURIT PANGAWALNA NEPI KATENGAH PANGGUNG, GEK DIECAGKEUN, KABEH PRAJURIT PANGAWAL SIDEKU HORMAT. FIRAUN LANGSUNG NANGTUNG KATINGAL SEMU NU HERAN, LAJAG-LEJEG JURU TULISNA BARI MAMAWA BUKU GEDE JEUNG PULPEN, TEU WELEH NUTURKEUN BARI NYATET SAGALA PRIPOLAH JEUNG OMONGAN FIRAUN.

FIRAUN PANGAWAL I FIRAUN PANGAWAL I FIRAUN PANGAWAL II FIRAUN PANGAWAL II FIRAUN PANGAWAL III PANGAWAL IV PANGAWAL I PANGAWAL II FIRAUN PANGAWAL II FIRAUN FIRAUN PANGAWAL I FIRAUN PANGAWAL II FIRAUN

: : : : : : : : : : : : : : : : : : : : :

Asa heran teu beak pikir kami mah. Naon tea sun? Na bener kitu, beja-beja na TV, na Koran, na majalah Wartos naon tea sun? Eta cenah, Si Masyitoh masih aya keneh di dunya. Apan geus pirang-pirang abad ka tukang manehna teh paeh digodog na timah ngagolak. Leres pisan, teu lepat. Si Masyitoh teh geus modar. Kapan dina buku sajarah oge diserat, algojo anu maehannana teh,  teu aya sanes karuhun abdi pisan. Tuh ningan, sidik pisan. Naming mugi Gusti emut. Geuningan waktos Gusti diistrenan jeneng Firaun oge, ngawitan mah seueur nu nganaha-naha. Pajar teh, ayena mah abad 21, piraku aya keneh Firaun. Kitu saur rahayat teh. Aeh-aeh ari maneh. Belegug teh beak ku sorangan. Kudu ngarti atuh. Pake atuh akal sehat. Bangsa kami mah rek datang deui-datang deui oge pantes. Kami mah puguh udaganna. Kapan param hayang jeneng Firaun teh. Parebut!! Pakuat-kuat!! Papinter-pinter siasat. Leres pisan, abdi Gusti nyakseni. Teuing tos sabaraha ratus boa rebu jelema nu disiksa, dipanjara, dibuang, malah dipaehan ku abdi. Leres basilat, khianat!! Hus,, ulah diboretekeun teuing atuh, bisi aya cakcak bodas. (Nyereng ka Pangawal IV) Ari maneh. Yeuh, na teu karasa genahna ku maneh? Boga leuweung upluk-aplak, sawah, imah sigrong di unggal real-estate, mobil keur anak, keur pamajikan. Dipiaserab, dipikasieun. Teu gampang jadi firaun teh deuleu. Iwal ti kudu kuat gede tanaga. Lahir bathin kudu eusi, ngingu dukun oge mang pirang-pirang. Leres Gusti, abdi nyakseni pisan, waktos Gusti mati geni. Puasa siang wengi. Mutih opat puluh dinten opat puluh wengi. Tos puguh ari ngadamel sasajen kanggo Dewa Ra mah. Moyan neuteup panon poe. Teu acan kapan gusti ngulik mangpirang-pirang buku, buku politik, buku basilat. (Nyereng) Lain basilat atuh,, Siasat kituh!!! PARA PANGAWAL SILIH TEUTEUP UNGSEM Meunggeus-meunggeus, tong ngacapruk Balik deui kana rusan Si Masyitoh. Sugan maraneh geus nyilidik. Naon kahayangna cenah?? Naon pangna manehna geus aya deui di dunya? Boh kitu boh kieu, teu hayang ari kami kudu ngalayanan awewe mah! Lain sieun, kade maraneh ulah salah sangka. Rujit puguh!!! Jeung mangtanggul mah, anggur daek dijadikeun harim ku kami, moal teu disenangkeun. Mugi Gusti ulah salempang. Abdi parantos ngutus mata-mata, kanggo nalungtik. Moal lami deui bakal dongkap laporan. Tah bener atuh ari kitu mah. Pangawal hideng ngarana. PARA PANGAWAL SILIH TEUTEUP, REUEUS ASA KAPAKE Salajengna Gusti bade ngaroris kamana deui?? Saena mah urang tingalian ka rada tonggoh. Manawi we gusti tiasa langsung ningali tempat anu cocok kanggo ngadamel PIRAMID tea. Heueuh, asa diingetan. Kapan kami teh keur neangan tempat anu tumaninah keur ngadegkeun piramid tea. Hayu atuh buru. Teu kudu ditandu. Cangkeul asa titingkuheun. Anggur leumpang

FIRAUN JEUNG PARA PANGAWALNA KATUT JURU TULIS NGURILINGAN PANGGUNG LENGA-LENGO KA UNGGAL JURU. ANTUKNA REG EUREUN.

FIRAUN

:

(nunjuk ka salah sahiji tempat) Pangawal!!!

PARA PANGAWAL HARIWEUSWEUS NINGALI KANU DITEUTEUP KU FIRAUN

PANGAWAL FIRAUN PANGAWAL FIRAUN PANGAWAL FIRAUN PANGAWAL PANGAWAL JURU TULIS PANGAWAL JURU TULIS

: : : : : : : : : : :

Aya pikersaeun naon Gusti??? Ari itu, naon mani ngemploh hejo?? Moal lepat deui, eta teh kebon sampeu Gusti!! Kacipta ngeunahna di nagara mesir mah hese melak sampeu teh. Gusti bade ngersakeun??? Ih, puguh we. Beuki kami oge Teu kedah salempang. Enjing eta kebon parantos kagungan Gusti. (ka juru tulis) Ulis!! (Nyampeurkeun) Abdi kulan!! Catet. Ti mimiti poe isuk kabeh kebon sampeu kudu geus jadi kagungan Gusti. Mangga, pantos!!!

PARA PANGAWAL NYAMPEURKEUN NGADEUKEUTAN JURU TULIS, KABEH PILI GENTI NGAHAREWOS.

PANGAWAL JURU TULIS PANGAWAL PANGAWAL PANGAWAL FIRAUN

: : : : : :

(Piligenti) Kade… Biasa…. Sesakeun Keur kami….. Komisi bagi-bagi…. Sami-sami.    Sami kabagi sadayana Pabrik comro!! Pabrik tapioka!! Pabrik gaplek!! (Ngagentak).    Tah kitu!!

PANGAWAL KAGET, BUBAR NANGHAREUP DEUI KA FIRAUN. SIAP NUNGGU PARENTAH.

FIRAUN NGURILING DEUI. DITUTURKEUN KU PARA PANGAWAL, REG EUREUN

FIRAUN

:

(Ungas-ingus) Ke..ke bau naon ieu teh pangawal???

KABEH PANGAWA REUWAS. TING SIRIWIK KADITU-KADIEU, BARI PARAHI UNGAS-INGUS JIGA UCING. SILIH PELONG PARAHI NUTUP IRUNG. SILIH TUDING, SILIH TUNJUK.

FIRAUN NINGAL PARANJAK PANGAWALNA, NGARASA HERAN.

FIRAUN

:

(Nyentak) Bau naon ieu teh? Beh dieu atuh!!

KABEH PANGAWAL NYAMPEURKEUN FIRAUN, NGINGUS DEUI.

PANGAWAL FIRAUN PANGAWAL

: : :

(Bareng) Ba…..Ba…..Ba…. Bau beuleu lauk asin gusti!!! Ngeunah jigana teh. Di Mesir mah hese neangan nu kieu seungitna teh!! (Ka  juru tulis) Ulis!! Ti mimiti poe isuk. Kabeh lauk asin kudu disanggakeun ka Gusti Firaun!!!

JURU TULIS SIBUK NYATET NA BUKUNA.

PARA PANGAWAL NGADEUKEUTAN DEUI, TING HAREWOS.

PANGAWAL JURU TULIS PANGAWAL PANGAWAL PANGAWAL JURU TULIS PANGAWAL FIRAUN PANGAWAL FIRAUN PANGAWAL FIRAUN

: : : : : : : : : : : :

(Piligenti) Kade poho… Biasa…. Sesakeun Keur kami….. Komisi bagi-bagi…. Sami-sami Sami-sami kabagi walatra sadaya… hehehe.. Pabrik sardencis….. Pabrik lauk asin….. Ngabendung laut….. (Ka Pangawal) Tapi,, kaya kieu mah rakyat burindil atuh!!! (Nyentak) Make loba omong. Nu penting mah urang sarerea kabagi perelekna. Ngarti? Naon ieu teh ribut?? (Murengked) Ah, teu aya nanaon Gusti. Ieu Ki Ulis lepat nyerat. (Nunjuk ka jauhna) Tuh..tuh… jigana aya tempat nu tumaninah. Sugan cocok keur Piramid… hayu urang ilikan. Bade ditandu atanapi badarat wae Gusti? Mending leumpang jigana mah. Keun we korsi mah, resep sok loba nu marebutkeun.

FIRAUN DIIRING KU PANGAWALNA KA LUAR PANGGUNG

ADEGAN 3

MASYITOH DIIRING KU WANOJA-WANOJA ASUP KA PANGGUNG. KABEH KAGET BARANG NINGALI AYA KORSI RAJA FIRAUN

WANOJA I WANOJA II WANOJA III MASYITOH WANOJA IV WANOJA I WANOJA III MASYITOH WANOJA MASYITOH WANOJA II MASYITOH SAREREA MASYITOH SAREREA MASYITOH SAREREA MASYITOH SAREREA

: : : : : : : : : : : : : : : : : : :

Tingali Masyito. Moal lepat deui, ieu korsi teh gaduhna raja Firaun. Astagfirulloh. Ulah kitu dulur-dulur. Dimana wae, keur kumaha wae, urang ulah petot nyambat Asma Anjeuna. Na moal kitu, engke anjeun dihukum deui. Digoreng na timah ngagolak.?? Jiga jaman baheula?? Lillahita’ala. Keur nanjeurkeun agama, ti baheula oge tara kungsi gimir. Hate teh teger batan hengker. Leres pisan Masyitoh. Tauladan anjeun janten lilinggeran umat dugika ayeuna. Ngucap syukur alhamdulillah oge teu bosen-bosen, barang ngadangu anjeun aya keneh dikieuna. Nanging aya teu kahartos. Ayeuna teh kapan abad 21, ari Masyitoh kapan ayana teh di jaman baheula. Jaman kuno di Mesir. Ah teu nanaon, malah ku emutan kudu seueur Masyitoh teh jaman ayena mah. (Imut mani leleb)  Tah geuning leres pisan, pemting Masyitoh aya di dunya teh. Aranjen oge tiasa janten Masyitoh (Kaget) Janten Masyitoh?? Leres pisan. Nya ayeuna pisan waktosna cumeluk ka anjeun sadayana. Hayu urang babarengan jadi Masyitoh. Masyitoh anu tigin kana agama. Teu kabita ku rupaning gogoda. Teu gimir ku pangalaman peurih panyiksa. Naha urang oge kudu ngadunungan ka Firaon?? Janten juru laden Putri TAIA? Naha urang oge bakal ngalaman digodok ku timah panas? Teu dipungkir. Kungsi Masyitoh ngadunungan Firaun, jadi juru laden Putri TAIA. Tapi jaman ayeuna mah lain jaman Masyitoh eleh ku Firaun. Masyitoh ayeuna mah, Masyitoh anu geus kuat digodog ku ngagolakna timah jaman. (Sumanget) Hayu urang tumpes Firaun. Jaman ayeuna, jaman Firaun anu kudu digodog ku timah ngagolak!!! Hayu urang gempur Firaun!!! Hayu urang gempur kamungkaran!! Hayu!!!! Ti baheula urang teu sieun ku Firaun!! Ti jaman baheula urang teu sieun ku Firaun!! Urang kudu neangan siasat, lain basilat, sangkan Firaun tumpur!!! Siasat,, lain basilat!!! Tumpur Basilat!!! Hidup Masyitoh!!! Tumpur Raja Firaun!!!

SAREREA JADI IRING-IRINGAN, TERUS KALUAR. SAKEDAPAN PANGGUNG KOSONG. KASAMPAK AYA DUA PANGAWAL FIRAUN. MARANEHNA NGINTIP KA ROMBONGAN MASYITOH.

PANGAWAL I PANGAWAL II PANGAWAL I PANGAWAL II PANGAWAL I PANGAWAL II PANGAWAL I

: : : : : : :

Tuh…tuh… Euleuh beuki nambahan!! Lawan bae kitu?? Asa keueung ari nempo nu nekad kitu mah! Nya eta, sarua. Sieun ningan ku awewe ge ari kompak mah. Uluuuh itu beuki nambahan. Ngaleut ngeungkeuy ngabandaleut. Teu nyana bakal kieu jadina.. Palangsiang dunungan urang bakal tumpur. Mendingan oge urang saurkeun heula ka Raja Firaun. Urang mah kumaha Raja we. Ulah sok ngaleuleuwihi. Enya, kudu aya restu jeung Petunjuk sagala oge. Hayu lur,, urang lapor!!

PANGAWAL KALUAR.

ADEGAN 4

BARI NAFSU NGAGUGUDUG, FIRAUN ASUP KA PANGGUNG. DIGIRINGKEUN KU PARA PANGAWALNA. GEK DIUK NA KORSINA. KI JURU TULIS ANGGER NGUNTIT BARI NYATET SAGALA POLAH JEUNG UCAP RAJA FIRAUN.

FIRAUN PANGAWAL FIRAUN PANGAWAL FIRAUN PANGAWAL II FIRAUN PANGAWAL II JURU TULIS PANGAWAL FIRAUN PANGAWAL JURU TULIS PANGAWAL JURU TULIS FIRAUN JURU TULIS FIRAUN JURU TULIS FIRAUN JURU TULIS FIRAUN JURU TULIS FIRAUN PANGAWAL FIRAUN

: : : : : : : : : : : : : : : : : : : : : : : : : :

Culangung. Teu nalipak maneh. Samarukna ieu nagara teh nagara manehna. Wani nguhak Raja. Pangawal!!! Parentahkeun ka sakur prajurit. Tewak,, asupkeun ka penjara kabeh ngaran Masyitoh. Aduh,,, jiga moal tiasa Gusti!! Naha??? Nguningakeun, rehna sadaya awewe di ieu nagara parantos janten Masyitoh. Upami sadayana dilebetkeun ka panjara, tangtos moal lebet Gusti.. Kumaha lamun langsung we digodog ku timah?? Na Gusti hilap kitu? Naon tea?? Sumuhun, kapan timah tes sadayana parantos dieksport. Artos ladang timah teh, seep dianggo ngadamel Piramid tea. Malah urang gaduh hutang mang milyar-milyar ka nagara deungeun Kumaha mun digoreng ku minyak kalapa we atuh?? Aeh… aeh… Gusti tos hilap deui bae. Leuweung parantos gundul, kalapa seueur dituaran, diangge bangunan Piramid tea. Dipake real eastet ongkoh…. Hus!!! (maju ngadeukeutan Raja) Manawi kaangge, bade aya saran. Pek.. pok!! Upami sadaya istri diieu nagara parantos janten Masyitoh (ragu-ragu) Kumaha…  upami pameget oge ulah eleh geleng.. E…E…. Teruskeun!!! Kumaha kanjeng Gusti upami ngadamel parentah sangkan sadaya pameget kudu janten Firaun. (Kaget, ngambek) Kabeh jadi Firaun?? Numawi… nembe saran ieu mah… Maneh hayang nandingan kami?? Masyitoh bisa nambahan. Tapi Firaun ngan aya hiji. Kami… Ngarti??? (Ngeleper) Leres pisan …. Ngartos pisan.. (Marentah) Pangawal!! Godog dina minyak ngagolak tah juru tulis bangkarwarah teh!! Nun Gusti, kapan parantos diuningakeun rehna di nagara teh tigerat minyak Garang we atuh, hese-hese teuing…. Gusur kaluar!!!

PARA PANGAWAL NGAGUSUR JURU TULIS KALUAR PANGGUNG. JURU TULIS TETEREJELAN, MENTA DILEUPASKEUN.

JURU TULIS

:

Ampun…ampun…..

PANGAWAL ARUS DEUI. FIRAUN DIUK DEUI NA KORSINA

FIRAUN PANGAWAL FIRAUN PANGAWAL FIRAUN PANGAWAL FIRAUN PANGAWAL FIRAUN

: : : : : : : : :

Kumpul kabeh. Jigana ayeuna memang kaayaan darurat. Kukituna kami rek ngaluarkeun parentahanan.  Catet PANGAWAL CINGRARINGRUH Catet!! FIRAUN  LUAK-LIEUK, CAPA-CIPI, KARASA AYA NU LEUNGIT. Catet!!! (Ngawani-wanikeun maneh) Nun Gusti, kapan Ki Juru Tulisna oge parantos tatahar bade digarang tea. Ari kitu mah ulah waka digarang atuh!! (Bingung) Janten kedah kumaha tuh Gusti? Bawa deui juru tulis kadieu, ulah waka digarang. Jaman tigerat kieu, hese neangan ganti juru tulis satia teh!! Mangga gusti. PANGAWAL TIBUBURANJAT KALUAR MURU JURU TULIS Waduuuuuh… boa-boa geus geheng tah juru tulis teh. TEU SAWATARA LILA PANGAWAL GEUS HOL DEUI NGIRINGKEUN JURU TULIS. (Ka Juru Tulis) Satungtung tacan aya gantina, maneh masih keneh bisa jadi juru tulis. Ayeuna catet. Jieun parentah harian. Parentahkeun sangkan kabeh pangawal kudu bisa ngawin Masyitoh. Bibita ku dunya barana. Lamun teu bisa, pek we rek dikukumaha oge. JURU TULIS NYATET NA BUKUNA, FIRAUN KALUAR DITUTURKEUN KU PARA PANGAWAL JEUNG JURU TULIS.

ADEGAN 5

OPAT WANOJA DIGIRINGKEUN KU OPAT PANGAWAL, ASUP KA PANGGUNG. PARA PANGAWAL GARUMASEP TULUY DIUK PAPASANGAN.

PANGAWAL I PANGAWAL II PANGAWAL III PANGAWAL IV

(Ngarayu) Tuh tingali mobil ngajejer di terminal, kabeh oge pek keur nyai. MASYITOH I UKUR MESEM. (Ngarayu) Tuh tingali kareta api. Huluna aya nu beureum, aya nu paul. Kabeh oge keur nyai. MASYITOH II OGE UKUR MESEM. Kapal terbang nu ngalayang. Kapal laut nu ngangkleung, keur urang hiber jeung lalayaran. Kumaha nyai?? MASYITOH III UKUR GOGODEG SIRAHNA Gunung Salak, Gunung Gede, Pek tataan unggal gunung nu katingali. Pek keukeupan ku Nyai. MASYITOH IV KALAH KA CEMBERUT

PARA PANGAWAL JENGKEL, MARANEHNA KUMPUL NGARIUNG BADAMI. KITU DEUI GRUP MASYITOH KARUMPUL BADAMI PATING KUCIWES

NGADADAK GRUP PANGAWAL NGOKANG BEDIL, NGARANGGEUM GARANAT. TAPI GRUP MASYITOH OGE TEU TALANGKE NULAK CANGKENG TERUS SINGKIL.

PANGAWAL I MASYITOH I PANGAWAL II PANGAWAL III PANGAWAL IV PANGAWAL I PANGAWAL II PARA PANGAWAL PARA WANOJA

(Nodongkeun bedilna) Lamun maneh teu bisa diajak badami, kumaha lamun ku ieu?? Pek, tembakeun tah bedil. Kami bisa paeh. Tapi sing inget, Masyitoh-Masyitoh bakal beuki nambahan. (Bingung). Jadi kudu dikumahakeun atuh. Dirayu teu bisa. Dibibita teu daek. Diancam kalah ngalawan. Enya mangkaning geus kapalang bogoh. Ah,. Kami mah rek serah bongkokan we, geus teu kuat lalajangan. (Sideku hareupeun Masyitoh).   Nyai akang sumpah, lamun nyai bisa jadi Masyitoh, akang oge rek diajar jadi OBED. Akang oge sarua we hayang rarabi kalayan hirup nu tenang. Ulah ukur ngalajur nafsu, ngudag-ngudag dunya teu halal. Hidup Masyitoh….. Hidup Masyitoh…. Hayu urang gempur Firaun….. Hayu urang gempur Firaun…..

KABEH SAPASANG- SAPASANG LEUMPANG BARIS DANGAH GAGAH. TOROJOL JURU TULIS DATANG, LANGSUNG NGAGABUNG NGILU BARIS.

JURU TULIS

Kuring titadi ngintip. Kuring oge hayang milu. Keun we jodo mah engke ditukang…. Sugan aya nu nuturkeun.

ADEGAN 6

RAJA FIRAUN DIBAGUDED KU TAMBANG DINA KORSINA. DIARAK BARI ADUG LAJER

FIRAUN PANGAWAL I PANGAWAL IV

:

Ampun,, ulah dibeuleum. Ayeuna oge geus karasa panas naraka. Ampun ulah dibeuleum. Hayang tobat, leupas tina siksa naraka!! Heug,, rek kumaha?? Rek biluk,, malik bela ka Masyitoh??

MASYITOH NGARENGHAP BUNGAH. TULUY NYAMPEURKEUN KA PARA PANGAWAL.

MASYITOH I PANGAWAL I MASYITOH II MASYITOH III MASYITOH IV MASYITOH I PARA PANGAWAL MASYITOH I PANGAWAL I MASYITOH I PANGAWAL II MASYITOH II SAREREA

Yeuh para pangawal,, dangukeun. Kami oge awewe normal. Hayang boga salaki. Kabita ku banda. Tah…tah… geuning Ke heula ulah waka purunyus. Lamun akang tos leres-leres kapalang bogoh. Mangga teh teuing…. Kuring oge hayang boga salaki. Tapi hayang jiga OBED garwana Masyitoh jaman di Mesir baheula. Lalaki soleh, makasaban anak pamajikan ku banda nu halal. Anu bela ka agama wani ngalawan kamungkaran. Tah kitu kumaha? Ieu tanjakan teh tiasa moal dilaksanakeun? Upami kersa, hayu urang gempur Firaun. Rengse eta, nembe kami kersa dicangcang. PANGAWAL SILIH TEUTEUP Beuleum Firaun!!! Beuleum Firaun!!! FIRAUN DIARAK DEUI. MASYITOH I MEGAT. Stop…..stop….ulah dibeuleum Har ari nyai….kumaha ieu teh. Lamun aranjeun rek ngahukum Firaun karana dendam. Kami moal daek dikawin. Har ari nyai, kapan manehna teh baheula kungsi meuleum nyai. Urang teu meunang maen hakim sorangan. Anggur hayu urang bawa Firaun ka kantor pangadilan. Hayu…..hayuuuu….hayu….

SORA TATABEUHAN MUNI DEUI JIGA BUBUKA ADEGAN TIHEULA NEUPI KA PARA PAMAEN KALUAR PANGGUNG.

TAMAT